Špica и SAP со ново технолошко решение им помагаат на компаниите, дури и во борбата за таленти

1.     За лидери. Бидејќи динамичкото планирање е клучно за успешно управување со претпријатијата, а воедно и за задоволство на сите вработени.

Кадровскиот базен во Словенија и во регионот станува се попразен. Компаниите се борат за таленти и се обидуваат да ги придобијат на многу начини. Исто така, воведуваат нови технолошки решенија кои ги дигитализираат процесите, ги поддржуваат современите форми на работа и ја зголемуваат продуктивноста. Пример за такво напредно технолошко решение е интеграцијата на Špica со SAP и новата сертификација.

Špica, водечка компанија која нуди решенија за управување со работното време, се здоби со нов сертификат за интеграција SAP S/4HANA ® Cloud, доделен од Центарот за сертифицирање SAP ICC. Špica со својата нова сертификација може да им помогне на најголемите работодавачи во создавањето модерна работна средина, во процесот на дигитализација и зголемување на продуктивноста. Добивањето на новиот сертификат на Špicа International и дава можност да им се обрати на најголемите играчи во регионот на ЈИ Европа. Многу од нив се во процес на дигитална трансформација. Процесот на оваа трансформација обично вклучува надградба на старата SAP верзија со верзијата S/4HANA Cloud.

Времето е злато: со технологија до модерна работна средина и зголемување на продуктивноста

Иновативноста и интернационализацијата најчесто се споменуваат како главни ресурси на потенцијалот на словенечката економија. Меѓутоа, често забораваме на внатрешната организација, на современото работно опкружување, на вложувањата и доброто управување со вработените и дигитализацијата на процесите во овие области. Решението на Špica заедно со SAP сертификатот, им овозможува дури и на најголемите работодавачи да ја зголемат својата конкурентност во овие области.

"Времето е злато. Колку успешно го користиме е она што нè одвојува од просекот. Особено ако сме директори на компанија со неколку стотици, па и илјада вработени. Резултатите се важни. Но, уште поважно е да ги постигнете во најкус можен рок. Дигиталната револуција го менува и управувањето со времето. Алатката SAP ERP може совршено да планира машини, алатки и материјали. На полето на планирање, следење и анализа на присуството и отсуството на вработените, решенијата на Špica веќе станаа незаменливи, " вели Tone Stanovnik, директор и мнозински сопственик на Špica International.

Špica International е официјален развоен партнер на SAP со сертифициран интерфејс уште од 2017 година. Со интеграцијата на решението Time&Space со SAP, овозможено им е на големите и особено на меѓународните компании значително да ја зголемат ефикасноста и да ја поедностават пресметката за плата. Управувањето со работното време е значајно за секоја добра платформа за човечки ресурси која побарува интеграција на кадровската и организациската структура на компанијата од една страна и пресметката на плата од друга страна.

Tone Stanovnik: "Среќни сме што на полето на динамичкото планирање, следење и анализа на присуството и отсуството на вработените, решенијата на Špica веќе станаа незаменливи."

Зошто е потребна оваа интеграција?

Time&Space, решението на Špica за управување со работното време и контрола на пристап, има модул кој обезбедува сигурна и ефикасна интеграција со SAP HCM решението и SuccessFactors, односно SAP HCM решението во Cloud околина. Затоа Time&Space може да се пофали со сертифициран модул за интеграција со SAP ERP околината, кој претставува кредибилен доказ за квалитетот и доверливоста на услугата.

HRM/HCM софтверските решенија обезбедуваат поврзан сет на технолошки решенија и модули, кои овозможуваат управување со човечките ресурси. Значаен дел од HRM/HCM системите е и следењето на аналитиката на работното време (работни часови, одмори...), како и обезбедувањето точна пресметка за плата. Бидејќи HRM/HCM системите се дизајнирани на поширока основа и не се строго специјализирани, решението на Špica со интеграција овозможува значително помоќни и пофлексибилни решенија.

Регистрацијата и евиденцијата на работното време се основа за следење на присуството на работното место, болничките отсуства, службените патувања, статусот на работните распореди, итн. Генерално, сите овие се  клучни влезни податоци за точна пресметка на плата. Затоа е логично за дигитализацијата на основните административни HR процеси да се користат специјализирани решенија.

Главните предности на интеграцијата помеѓу Time&Space и системот SAP се:

• Зголемена продуктивност: напредно распоредување на вработените, точна евиденција на работното време, прекувремената работа и отсуствата, како и користење на овие податоци за подобри одлуки во деловното работење.
• Усогласеност со законодавството: вградување на GDPR насоките за заштита на личните податоци и други правила,  за корисниците веднаш да бидат известени кога ќе дојде до отстапувања од законските одредби.
• Корисничко искуство: При употреба можат да се комбинираат web  апликациите, мобилните телефони, терминалите, а преку интеграцијата  може да се користи и корисничкиот интерфејс на SAP .
• Пресметка на плата: со интеграцијата е  дигитализирана и автоматизирана.

Меѓу корисниците на Time&Space и SAP интеграцијата се следниве компании: Искра Механизми, Словенски железници, Пошта Словенија, Горење, Универзитетот во Љубљана, Спар, Колектор, Интереуропа, Домел, Сокотаб Битола, ТАБ МАК Пробиштип ...